Einfaldir orkuklattar

Þessari einföldu uppskrift að hafraklöttum nappaði ég einhversstaðar og hef verið að prófa og þróa, með ljómandi vinsælum árangri.

Orkuklattar1 bolli hafrar
1/2 bolli kókosmjöl
1/2 bolli sólblómafræ
1/4 bolli hveitikím (hef líka notað spelt)
1/4 bolli gott múslí
1/4 bolli smátt skornar þurrkaðar aprikósur
1/4 bolli smátt skornar þurrkaðar döðlur
1/3 bolli hunang
1-2 msk smjör
1/2 tsk vanilludropa
1-2 fingurklípur Maldonsalt

Hrærið saman þurrefnunum; höfrum, kókosmjöli, sólblómafræjum, salti og hveitikími í skál. Setjið döðlu- og aprikósubita, hunang, smjör og vanilludropa saman í pott. Hrærið saman á vægum hita þangað til döðlur og apríkósur eru farnar að bráðna saman við blönduna og hunangið aðeins farið að krauma. Taka pottinn þá af hellunni og hræra saman við.

Meðan blandan er enn volg er best að setja hana á smjörpappír. Ég hef brotið uppá hliðarnar, þannig að úr verði „umslag“ sem er ca 20x20 cm, og flatt blönduna svo út með því að leggja skurðarbretti ofan á og þrýsta vel á (fyrst varlega, en svo alveg með fullum þunga) til að pressa.

Klattinn er svo settur í ískáp í 1-2 tíma áður en hann er skorinn í stykki eða mátulega munnbita. Ýmsa varíanta má prófa við þessa uppskrift, t.d. nota gráfíkjur og ferskjur í stað daðla og apríkósa; skipta vanilludropum út fyrir möndludropa, ofl.

Verði ykkur að góðu ;þ


Brothætt framtíð...


Svona celebs sko...

Gullfoss: "Ertu hér enn, engum til gagns, ekkert framleiðandi, ekkert bræðandi? ...Heldurðu að þjóðin hafi efni á þér? Fegurðardrottningin þín!" (Sverrir Björnsson)

Hvað ef guð væri bíll?


Lóðréttur steinullargarður


Holla brauðið

Hef verið að baka þetta brauð og get svo sannarlega mælt með því. Gera má ýmsar tilraunir, t.d. eins og að skipta út 1-2 dl af speltmjöl með byggmjölinu holla.


6 dl. Spelt
1 dl. Haframjöl
1 dl. Fræ (fjölkornablanda eða fimm korna eða bara eftir smekk)
3 tesk. Vínsteinslyftiduft (eða bara venjulegt lyftiduft)
1 tesk. Salt (eða Herbamare)
3 dl. AB mjólk
3 dl. Sjóðandi vatn

Allt hrært lauslega saman, sett í form – frekar tvö minni en eitt stórt. Ofninn hitaður í 200 gráður (180 ef blástursofn) Bakað í um 30 mín. á neðstu rim í ofninum.


Verði ykkur að góðu :)


Söngbók fyrir ættarmót

Bjarni, Ebba og börnAfkomendur Ebbu og Bjarna hittast á ættarmóti í Varmahlíð 12. - 13. júní. Hér er söngbók til útprentunar, fyrir þá sem vilja spila og syngja með :)
Skrár tengdar þessari bloggfærslu:

Endurheimtum vitundina frá huganum

Hugleiðsla snýst m.a. um að gera hlé á síhugsun; við þurfum að geta látið af allri hugsun, sem er hluti af hinu skapaða. Stöðug hugsun gerir okkur að föngum í heimi fyrirbæranna og kemur í veg fyrir að við verðum okkur meðvituð um hið óskapaða, meðvituð um formlaust og tímalaust eðli okkar sjálfra og alls sem er. Hugmyndir okkar um hver við erum taka of mikið mið af ímyndunum og misskilningi, sem hugurinn framleiðir eins og á færibandi. Afleiðingin getur verið stöðugur undirliggjandi ótti, ófullnægja og viðkvæmni. Við förum á mis við það sem öllu skiptir, þ.e. vitundina um okkar sanna sjálf, hinn ósýnilega og óhagganlega veruleik.

Til þess að ná því verðum við að endurheimta vitundina, ná henni frá huganum. Því lengra sem er milli skynjunar og hugsunar og því lengur sem við dveljum í tímalausu núinu, því meðvitaðri erum við og lífsupplifunin dýpri. Ein lítil æfing sem hjálpar manni að setjast augnablik að í núinu, ná betri tengslum við vitundina, er að loka augunum og segja við sjálfan sig: Hver skyldi nú næsta hugsun mín verða? Vertu svo árveknin sjálf og bíddu eftir næstu hugsun. Vertu eins og köttur sem bíður eftir hreyfingu við músarholu. Hvaða hugsun er líklegust til að skjótast útúr holunni? Prófaðu þetta núna. Hvað upplifðir þú? (undir áhrifum bókarinnar Mátturinn í Núinu, e. Eckhart Tolle)


Böl hugans Kínamúra

Sú trú okkar, að við séum það sem við hugsum, myndar eins konar Kínamúra úr hugmyndum, orðum, dómum, merkimiðum og skilgreiningum; múr sem kemur í veg fyrir öll raunveruleg tengsl. Hann treður sér milli þín og þín, milli þín og náttúrunnar, milli þín og náungans... og það er mikið böl að geta ekki hætt að hugsa, því stanslaus óró hugans kemur í veg fyrir að við finnum raunverulega innri ró! (endursagt uppúr Máttirinn  í núinu, eftir Eckhart Tolle).

Frelsið er dýrmætt

Í gær var alþjóðlegur baráttudagur kvenna. Skilningur á mikilvægi hans í mínum huga tengist því sem ég er að lesa þessa dagana, nefnilega Dýrmætast er frelsið, eftir Hege Storhaug. Þar er fjallað um innflytjendavanda á vesturlöndum í víðu samhengi og sýn mín á Íslam og ólíkan menningarmun og hugmyndafræði hefur dýpkað. Staða konunnar í þeirri trúarveröld er mjög bágborin og á einum stað lýsir höfundur bókarinnar þessu þannig, að kona hefur í raun mun minni rétt en þræll eða trúleysingi, sem þó hafa afar lágan status hjá múslimum. Bæði þrællinn og trúleysinginn eiga nefnlega möguleika á að fá uppreist æru; þrællinn að verða frjáls maður meðal manna, og trúleysinginn að taka trú og öðlast virðingu á nýjan leik. Konan verður hinsvegar „bara" kona, sem oft þarf að lúta boðum og bönnum Kórans eða Sharía, og skelfilegum yfirgangi ættar-, feðra- og karlaveldis! Ef þú vilt öðlast sýn inní veröld sem okkur flestum hulin, en mikilvægt er að hafa skilning á, þá skaltu lesa bók Storhaug.


Flugvöllur er ekki sama og flugvöllur

Fyrir rúmum tveimur áratugum kom þýskt par á puttanum upp að Hveravöllum. Þá var umferð minni um Kjöl en nú er. Þau voru léttklædd og án nokkurra vista, því þau ætluðu ekki að stoppa lengi. En urðu samt sem áður strandaglópar þarna í einhverja daga. Þau höfðu séð á landakorti að þarna væri flugvöllur og höfðu hugsað sér að taka næsta áætlunarflug tilbaka! Grin


Þegar beljan meig framan í Guttorm heitinn

Eitt sinn fylgdist ég með því þegar gripirnir í Húsdýragarðinum stóðu útá túni og spókuðu sig í sólinni. Gamli Guttormur, þvílíkur boldangsgripur, lallaði sér þunglamalega uppað afturenda einnar kusunnar og fór að þefa þar áfergjulega. Fyrirvaralítið brast á með þvílíku hlandflóði aftur úr beljunni, beint í fésið á Gutta. Hann hrökklaðist hlandvotur undan, hristi sig og skók og var miður sín yfir virðingarleysinu sem beljan vogaði sér að sýna yfirnautinu! Ég hef aldrei fyrr né síðar séð annan eins vanþóknunar- og sárindasvip á neinni skepnu LoL
mbl.is Guttormur 2 afhjúpaður
Tilkynna um óviðeigandi tengingu við frétt

RITSKOÐUN – RUV HNEYKSLI?

Þriðjudaginn 3. mars sl. átti að vera á dagskrá RUV-sjónvarp þáttur í röðinni Clement Interviewer, eins og þriðjudaginn á undan, þ. 24. febrúar. Í staðinn ræddi Bogi Ágústsson við hagfræðing í Bláa Lóninu. Fínt viðtal. Þriðjudaginn 10. mars var svo eins og jörðin hefði gleypt Clement Interviewer þáttaröðina. Í þættinum 3. mars ætlaði Clement að ræða við Josehp Stiglitz nóbelsverðlaunahafa í hagfræði. Stiglitz hefur gagnrýnt alþjóðavæðinguna harkalega og segir hinn frjálsa markað ekki geta lifið án hins opinbera, sé óréttlátur og komi oftar en ekki niður á almenningi. Í dag fékkst staðfest hjá RUV að þessi þáttur, sem vera átti 3. mars, verði ekki á dagskrá fyrr en 28. apríl. Eins og menn vita eru kosningar 25. apríl og svo virðist sem öfl innan RUV telji okkur ekki holt að sjá gagnrýni á frjálshyggjuna fyrr en að kosningum loknum. Ritskoðun? Þöggun? Spyr sá sem ekki veit!

Hundsaði Seðlabankinn ráðleggingar Stiglitz?

"Takmörk á hraða útlánaaukningar einstakra banka eru ef til vill einnig heppileg, sérstaklega í ljósi þess að hraður vöxtur útlána virðist oft hafa verið ein af meginorsökum fjármálakreppu á síðari árum og að öryggisnet fjármálakerfisins hvetur banka til að taka áhættu að hluta til á kostnað almennings. Slíkar hraðatakmarkanir gætu verið í formi reglna og/eða skatta. Til greina koma hærri eiginfjárkröfur, hærri innborganir í innlánstryggingarkerfi eða meira eftirlit hjá þeim stofnunum sem þenjast út hraðar en tiltekin mörk leyfa." Ágrip úr skýrslu Joseph Stiglitz, nóbelsverðlaunahafa í Hagfræði 2001, til Seðlabanka Íslands.


Visitskagafjordur.is

Frá opnun Visitskagafjordur.is í dagÍ dag opnaði loks ferðavefsíðan sem ég hef verið að vinna að í vetur, www.visitskagafjordur.is. Þar er að finna allt það helsta sem hægt er að gera í Skagafirði fyrir ferðamenn og gesti héraðsins: Fjölbreytta gistingu, ótal marga valkosti í afþreyingu, fallega staði til að heimsækja o.fl. Ríkulegum menningararfinum er gert skil, m.a. undir liðnum Söfn og sýningar. Hestaáhugamenn fá sitt rými þarna, sem og allir viðburðirnir sem eru í Skagafirði. Ljósmyndir eru fjölmargar úr öllum áttum. En auðvitað er sjón sögu ríkari og best að kíkja bara á vefinn.

Getur maður hugsað sér betri auglýsingu fyrir ferðamannastað?

Menn beita ýmsum ráðum til að ná athygli. Í fyrra var auglýst eftir starfsmanni til að starfa á Hamilton eyju í Ástralíu við að taka myndir og koma á netið, til að kynna eyjuna sem ferðamannastað. Launin voru 2 milljónir á mánuði, lúxusíbúð og fleiri flottheit fylgdu með. Hvorki meira né minna en þrjátíu og fjögur þúsund manns sóttu um starfið, en það hafði verið kynnt sem “besta starf í heimi”. Nokkrir voru valdir úr þessum stóra hópi til frekari viðræðna við ferðamálayfirvöld í Queensland. Athyglin sem eyjan hefur fengið vegna þessa “draumastarfs” er án efa virði mörg hundruð milljóna. Google kemur upp með eina og hálfa milljón vefsíðna þegar leitað er eftir: Hamilton Island Job. Síðasta frétt var um stúlku sem kom til greina í starfið, en var vísað frá eftir að kynlífsmyndband með henni komst í fjölmiðla. Enn heldur því umfjöllunin áfram um þetta eina starf, og Hamilton eyja verður sífellt þekktari sem ferðamannastaður. Þetta er dæmi um eina alflottustu auglýsingabrellu síðari ári.

Farið hefur fé (í) betra

Sjálfsagt eru þarna á meðal fagtímarit sem gagn er að, en í þessum hópi er líka fullt af glanstímaritum sem mega missa sín. Kaupgeta á svona munaði hefur minnkað hjá mörgum, sem verja  sínum fáu krónum í meiri nauðsynjar. En hvernig er það, má ekki lesa öll þessi tímarit í áskrift á netinu?
mbl.is Innflutningur á fagtímaritum á algjörum ís
Tilkynna um óviðeigandi tengingu við frétt

Laga fyrirsögnina...

... það er ekki til neitt sem heitir MILLIHLUTASTJÓRN LoL
mbl.is Vill verja minnihlutastjórn falli
Tilkynna um óviðeigandi tengingu við frétt

Er þetta frétt...

... á pappír í Mogganum... eða er þetta frétt á mbl.is á netinu? Því ekki að nota netið betur, með því að búa til hlekk inná microsoft.com/updates, þar sem viðbótin er? (athugið að það þarf IE-vafrann til að geta náð í þetta; Gates og co styðja ekki enn Mozilla Firefox eða aðra vafra)
mbl.is Tölvuormur æðir áfram
Tilkynna um óviðeigandi tengingu við frétt

Áherslur Sigurðar Kára

Sjálfstæðisflokkurinn á einna stærstan þátt í þeim hamförum sem lagt hafa efnahag okkar lands í rúst. Nú segjast þeir vera á kafi í björgunarstörfum í rústunum.  Þing kom saman á ný í dag eftir jólafrí. Og hvaða málefni skyldu mönnum vera efst í huga við þær hörmulegu aðstæður sem nú blasa við?  Sjáið fjórða mál á dagskrá Alþingis í dag með því að smella HÉR. Skál Sigurður Kári!

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband