Untrue Stories besta lag Hip Razical?

Lagið Untrue Stories fékk flest atkvæði í lítilli skoðanakönnun hér á síðunni um hvert þriggja laga Hip Razical væri best. Strákarnir og hljóðmeistarinn Jón Skuggi hafa nú lagt lokahönd á lögin í hljóðveri Skuggans, Mix ehf., og eru þau komin hingað á síðuna endanlega hljóðblönduð. Sjálfum finnst mér It Stays the Same best og öðrum sem ég þekki líkar best við O.D., en svona er tónlistin; mjög persónubundið hvað höfðar til fólks. Fyrir áhugasama skal bent á að bílskúrsbandið í Barmahlíðinni er með síðu á MySpace

Athugasemdir

[Jens Guð, 25.5.2007 kl. 00:49]

  Þetta er hin þægilegast músík hjá A Hip Razical song.  Mér hugnast tvö fyrstu lögin töluvert betur en það þriðja.  Er þetta skagfirsk hljómsveit?  Af hverju í ósköpunum eru þeir með útlent nafn á hljómsveitinni og lögunum?

  Gaman að heyra í tónspilaranum hjá þér lög með Tryggva Hubner vini mínum og gítarsnillingi. 

[Jón Þór Bjarnason, 25.5.2007 kl. 10:00]

Já Jens, Hip Razical er skagfirsk hljómsveit; þetta eru fjórir 18-19 ára strákar, þrír héðan af Krók og einn af Skagaströnd, voru allir í Fjölbrautarskólanum hérna. Þeir hafa æft í bílskúrnum hjá mér síðustu 2 ár, en annar gítarleikarinn er Davíð sonur minn sem syngur líka og semur lög og texta. Hvort menn kjósa að tjá sig á ensku eða íslensku í landamæralausri tónlistarveröld byggir væntanlega á því í hverju þeir finna sig við að segja söguna í textanum. Þetta "A" á undan nafni hljómsveitar í spilaranum er bara af því að spilarinn raðar í stafrófsröð; gert til þess að þeir séu efstir :)  ... Platan Betri Ferð með Tryggva Hübner hefur lengi verið í uppáhaldi hjá mér, einstök perla þar á ferð.