Galdrastafir fyrir örvæntingarfulla stjórnmálamenn!

Pólitíkusar sem þurfa að slá ryki í augu kjósenda geta notað missýningastafinn Óðinn og þeir sem eru hræddir um að hafa vondan málstað geta nýtt sér galdrastafinn Máldeyfu. Vilji menn nota óhefðbundnar leiðir til að vinna kjósendur á sitt band í kosninga- baráttunni er fleiri nothæfa galdrastafi að finna á kosningavef Galdrasýningar á Ströndum. Þetta eru snillingar!

Athugasemdir

[Heiða B. Heiðars, 18.4.2007 kl. 11:31]

Viss um að stjórnaliðar hafa verið að nota galdra til að ná kosningum undanfarin ár! Eina sem getur skýrt þennan andsk....

[Árni Gunnarsson, 18.4.2007 kl. 23:17]

Hvern andskotann eru þeir eiginlega farnir að kenna þarna á Hólum? Er Galdra-Loftur orðinn Konrektor?

[Jón Þór Bjarnason, 19.4.2007 kl. 09:16]

Galda-Loftur er hluti af menningunni á Hólum, var þar allsráðandi í leikgerð í fyrra og hitteðfyrra, sem hluti af dagskrá fyrir ferðamenn. Mæltist vel fyrir hjá flestum, en biskup var ekki ánægður þegar leikgerðin þvældist að hluta inn fyrir kirkjudyrnar.