Samanburður Kastljóssins ekki fullnægjandi!

Kastljósið skoðaði í kvöld vexti verðtryggðra íbúðalána, annarsvegar Íbúðalánasjóðs og hinsvegar bankanna. Niðurstaðan var sú að þarna væri ekki mikill munur á. Ekki kom fram að Íbúðalánasjóður lánar til fasteignakaupa um allt land, meðan bankarnir lána til valdra aðila á þessum bestu kjörum sínum. Að sjálfsögðu geta bankarnir boðið góð lánakjör þar sem þeirra lán eru betur tryggð með veði í auðseljanlegum fasteignum. Þeir bjóða ekki öllum landsmönnum sín bestu kjör, eins og Íbúðalánasjóður, heldur fleyta rjómann af fasteignalánamarkaðnum. Þetta finnst mér að borgarstjóradóttirin hefði átt að nefna í sínum samanburði í Kastljósinu. Gaman væri að heyra frá landsbyggðafólki sem hefur reynslu af því að reyna að fá fasteignalán hjá bönkunum síðustu misserin.

Athugasemdir

[Þorvaldur Blöndal, 16.4.2007 kl. 21:13]

"betur tryggð með veði í auðseljanlegum fasteignum"?  Lán ÍLS eru tryggð af ríkissjóði landsins sem prentar gjaldmiðilinn sem lánin eru gefin út í.  Erfitt að toppa það eins og bent var á í þættinum.

[Tómas Þóroddsson, 16.4.2007 kl. 22:09]

Bankanir taka líka uppgreiðslugjald, en ekki ÍLS.

[Þorsteinn Gunnarsson, 16.4.2007 kl. 23:25]

Góðir punktar. Ég hugsa til þess með hrylllingi ef bönkunum væri ætlað að sitja einum að þessu.