Vélhjóla- og akstursíþróttamenn athugið!

Rakst á sorgarsögu af Alþingi, þar sem segir frá því að stjórnarliðar hafi hafnað breytingu á umferðarlögum, sem miðaði að því að skilgreina akstursíþróttabraut. Formaður Samgöngunefndar var þvingaður til hlýðni við flokk sinn og hætti við að styðja málið, samkvæmt frásögn á bloggi Sigurjóns Þórðarsonar þingmanns. Sorglegt að enn hafi ekki tekist að koma þessum málum í höfn!

Athugasemdir

[Vilhjálmur Þór Vilhjálmsson, 18.3.2007 kl. 21:26]

Sæll Jón Þór,

Endilega kíktu á bæði bloggið mitt og einnig www.icelandmotopark.com þá sérðu að framkvæmdir við aksturssvæði eru hafnar og þessi framkvæmd er án allra ríkisstyrkja.

Kv,

Villi Þór

[Jón Þór Bjarnason, 18.3.2007 kl. 22:02]

Takk fyrir það Villi, þetta hljómar mjög spennandi. Vona að allt gangi eftir eins og planað er. Svo ég vitni aftur í atkvæðagreiðsluna um breytingartillöguna, þá fannst mér þróun málsins í Alþingi athygliverð, sérstaklega þessi farsakennda lýsing: 

"Atkvæðagreiðslan á Alþingi verður nokkuð eftirminnileg þar sem formaður samgöngunefndar Guðmundur Hallvarðsson studdi tillgöuna þegar hún var í fyrstu borin upp til atkvæða og sömuleiðis nokkrir stjórnarliðar til viðbótar.  Þetta varð til þess að tillagan var samþykkt. 

Það varð því uppi fótur og fit í stjórnarliðinu við þessa niðurstöðu og í framhaldinu lét starfandi þingforseti Birgir Ármannsson endurtaka atkvæðagreiðsluna þar til var búið að fella tillöguna og berja sjálfan formann samgöngunefndar til hlýðni og fella málið." (Af bloggi Sigurjóns).