Umsögn Árna Matt um Hip Razical

Í Morgunblaðinu í dag gagnrýnir Árni Matthíasson þær hljómsveitir sem komust áfram í úrslit Músiktilrauna af undankvöldi fjögur á fimmtudag, auk umfjöllunar um þær sveitir sem komust ekki áfram. Um Hip Razical frá Sauðárkróki, sem dómnefndin valdi áfram í úrslitakeppnina, segir Árni: "Hip Razical mættu til leiks eftir tveggja ára æfingar og sýndu gríðarlega framför. Það kom ekki á óvart að bassaleikur var fyrsta flokks, en gaman að sjá að öll sveitin hafði tekið stórstígum framförum, ekki síst í lagasmíðum. Músíkin var nokkuð hefðbundin – fyrra lagið emo, það síðara indískotið, en lögin grípandi góð og söngur mjög vel útfærður."

Athugasemdir

[Karl Jónsson, 24.3.2007 kl. 19:33]

Gaman að sjá þessa dóma. Nú þurfa strákarnir að æfa enn betur fyrir úrslitin því þar getur allt gerst.

[Jón Þór Bjarnason, 25.3.2007 kl. 09:20]

Já þetta var fín umsögn, en það er eins og þú segir Kalli, mikilvægt að æfa stíft fram að úrslitakvöldinu. Þeir fundu það hvað lögin bötnuðu og þéttust á stífum æfingum fyrir undankvöldið, en til þess að eiga séns í úrslitum þarf að taka svipaða törn nú í vikunni. Spurning hvort vanir reynsluboltar úr 3 úrslitakeppnum væru til í að gefa þeim góð ráð... kannski kíkja við í bílskúrnum í Barmahlíðinni? :)