Bílskúrsbandið hannar fyrsta plötuumslagið sitt

Sonurinn og félagar hans eru með hljómsveit í bílskúrnum, nágrönnum okkar til mikillar armæðu. Nú er æft af kappi því Músiktilraunir eru framundan síðar í mánuðinum. Sem hluta af nauðsynlegum gögnum þurftu þeir að senda inn mynd af bandinu og málið leystum við í sameiningu. Ég fór með þeim út í garð í kvöld, vopnaður ljósmyndavél á þrífæti og öflugum ljóskösturum frá mági mínum. Stillti þeim upp við stóra tréð, lýsti á hlið og skaut og skaut. Snjókoman setti smá strik í reikninginn, en samt var hægt að finna nothæfar myndir inn á milli. Þeir fóru svo í Photoshop með myndina og komu glaðbeittir hálftíma síðar með breytta mynd, sem mér sýnist að muni bara sóma sér vel á fyrsta plötuumslaginu, þegar að því kemur.

Athugasemdir

[Gunnar Páll Pálsson (IP-tala skráð) 12.3.2007 kl. 23:29]

Flottir á því......

        Kv, Gunster
 

[Tómas Þóroddsson, 13.3.2007 kl. 01:44]

Cool hjá strákunum, ég sá reyndar jarðgöng bakvið strákana á myndinni. Fór strax að hugsa "róttækir pönkarar"