Ég er nauðgari!

Ég þarf að játa! Ég hef klætt konur úr buxunum, án þess að spyrja þær um leyfi. Ég hef haft samfarir við konur sem ekki hafa sagt "já", enda var engin spurning borin upp: Núningur og líkamstjáning þótti fullnægjandi samþykki. Og ég hef ýtt konu inn á klósett og læst á eftir okkur. Reyndar minnir mig að sú kona hafi togað jafnmikið og ég ýtti, en þetta er ekki alveg ferskt í minningunni, þar sem ég var blindfullur; reyndar við bæði. Það var lítið um formlegheit: Hvorugt sagði "já", né heldur hafði fyrir því að kynna sig! Konur hafa líka klætt mig úr buxunum án þess að spyrja um leyfi. Í tvígang hafa konur komið mér í vandræðalega stöðu með því að fara niður á hnén og renna frá klaufinni á buxunum mínum. Ég var ekkert spurður! Reyndar var það svo að oftar en ekki hérna í den, á útihátíðum, sveitaböllum og í partíum, var meira framkvæmt en talað um aðalmálið á dagskrá! Í augum dómstóls götunnar í dag er ég trúlega margfaldur nauðgari, en ég vara við því að alvöru dómstólar fari að elta þá hryllilegu múgsefjun sem nú tröllríður daglegu spjalli. Þessi útópíska hugmyndafræði sem siðapostular spjallvefjanna kalla eftir er bara tómt kjaftæði á meðan menn og konur dópa og drekka brennivín í því magni sem tíðkast! Eftirsjá konu má aldrei verða til þess að grandalaus maður lendi í fangelsi! Og bæðevei: Vorið þið búin að lesa um þýska strákinn á bls. 19 í laugardags-Mogganum (7.júlí 2007)?

« Síðasta færsla | Næsta færsla »

Athugasemdir

1 identicon

Loksins maður með viti sem er með raunveruleikatengsl annað en dómstóll götunnar sem tekur mannorð fólks af lífi án dóms og laga og án þess að kanna sannleiksgildi kjaftasagna

Emil Ólafsson (IP-tala skráð) 7.7.2007 kl. 11:12

2 Smámynd: Jóna Á. Gísladóttir

Rosalega hefur þú verið vinsæll hjá kvenþjóðinni Jón Þór. Ég vona samt að þegar ''þínar stúlkur'' vöknuðu upp með móral eftir atburði næturinnar að þær hafi ekki verið jafn illa á sig komnar andlega og þessi stúlka sem þú ert að ræða um þarna.

Jóna Á. Gísladóttir, 7.7.2007 kl. 11:16

3 Smámynd: Jón Þór Bjarnason

Já það er þetta með að vakna upp með móral... En ég vil taka það fram að ég er ekki að ræða um einstök mál, heldur benda á raunveruleika sem gleymist stundum í hita og þunga þeirrar refsigleði sem kallað hefur verið eftir af spjallverjum síðustu daga. Nauðgun er hræðilegur ofbeldisglæpur, en enn verra er að senda saklausa menn í fangelsi...

Jón Þór Bjarnason, 7.7.2007 kl. 11:38

4 Smámynd: Jóna Á. Gísladóttir

Ég er alveg sammála í því Jón Þór. Það hræðilegasta af öllu er að eyðileggja mannorð saklauss manns (konu) og loka inni. Bloggið aftur á móti er rödd fólksins (lýðsins í sumum tilfellum  og get ég misst mig eins og margir aðrir). Þessi rödd endurspeglar þann vilja fólks að barnaníðingar og nauðgarar séu fjarlægðir af götunum í langan tíma. Ef þeir sem ráða og stjórna hér á landi myndu sína vilja í verki til að vinna í úrlausnum, svo sem lengri refsitíma, sér áfangaheimilum fyrir þessa brotamenn, meira eftirlit eftir að þeir losna og meiri skilning á aðstæðum fórnarlambanna (s.b. afskaplega lágar miskabætur) þá væri almenningur kannski ekki svona blóðþyrstur. Auðvitað er erfitt að sjá hvað býr að baki hverju máli. Í þessu tilviki sem er að gera allt vitlaust bendir allt til í fréttaflutningi að maðurinn sé sekur. Og fólk bregst við.

Jóna Á. Gísladóttir, 7.7.2007 kl. 15:44

5 Smámynd: Jón Þór Bjarnason

Meðan við áttum okkur á því að sumir eru að "missa sig" í svona umræðu þá er engin hætta á ferðum. Það getur hinsvegar orðið stórvarasamt ef rödd þessa "blóðþyrsta" fjölda nær dýpra inn í kerfið; til þeirra sem rannsaka og dæma og eiga að gæta réttlætis og hlutleysis... og ekki síst þess að menn eru saklausir þar til sekt er sönnuð. Ég þekki ekki þetta mál sem mest er í umræðunni núna, nema af gífuryrðum heiftúðugra bloggara sem hafa orðið á vegi mínum í bloggheimum. Og mér þykja margir þeirra ganga algjörlega út í öfgar, svo ekki sé meira sagt. Skrif á þeim vettvangi urðu mér tilefni til að rita bloggið hér að ofan. 

Jón Þór Bjarnason, 7.7.2007 kl. 18:14

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband