Drangeyjarjarlinn ferðafrömuður ársins 2007

Jón Eiríksson Drangeyjarjarl - Mynd: JÞBJón Drangeyjarjarl hefur í áraraðir siglt með ferðamenn út í Drangey og sagt þeim sögur af Gretti sterka og mörgu öðru merkilegu sem tengist sögu eyjarinnar. Hann hefur byggt upp Grettislaug og aðstöðu fyrir ferðamenn á Reykjaströndinni, fyrir utan þrotlausa vinnu við uppbyggingu og viðhald áDrangeyjarskáli, byggður 1984. Úr lundaveiðiferð JÞB ofl - á myndinni stendur Pétur Ben. aðstöðunni í Drangey. Það væri hægt að halda lengi áfram að telja upp afrek Jóns. Síðastliðna helgi var Jón valinn ferðafrömuður ársins fyrir starf sitt. Í dómnum segir m.a. að viðurkenningin sé veitt fyrir "einstaka athafnasemi, þrautseigju og metnað við að byggja upp og reka ferðaþjónustu þar sem sagnaarfinum er miðlað á eftirminnilegan og persónulegan hátt…"

Þið sem ekki hafið farið í siglingu með Drangeyjarjarlinum, takið frá dag í sumar til að upplifa magnaða sögu- og náttúruferð!


« Síðasta færsla | Næsta færsla »

Athugasemdir

1 Smámynd: Tómas Þóroddsson

Það eru svona menn sem á að heiðra. Mér sýnist þetta vera svipaður gúrú og Þórður Tómasson á skógum. Það er spurning um að fara þangað í sumar

Tómas Þóroddsson, 24.4.2007 kl. 22:10

2 Smámynd: Árni Gunnarsson

Nú er líklega réttast að við sem þekkjum manninn best segjum sem minnst.

Árni Gunnarsson, 24.4.2007 kl. 23:06

3 Smámynd: Berglind Steinsdóttir

Ég þekki jarlinn ekki neitt, en hef samt farið með honum út í Drangey. Það var óhætt.

Berglind Steinsdóttir, 25.4.2007 kl. 17:22

4 Smámynd: Jón Þór Bjarnason

Það er upplifun að koma í Drangey, þarna er saga og náttúra eins og hún gerist best. Nú í nokkur ár hef ég farið bæði til eggjatöku og lundaveiða, þar sem við gistum í eynni við veiðina, og manni er byrjað að hlakka til strax uppúr áramótum.

Jón Þór Bjarnason, 26.4.2007 kl. 20:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband