Burt með brjóstin

Nýverið fjárfestum við á heimilinu í forláta þrekhjóli með öllum mögulegum stillingum þannig að nú getum við svitnað við að hjóla upp og niður brekkur, allt innanhús. Sem er kannski eins gott, því ekki viðrar nú mikið til hjólaferða úti. Svo áskotnaðist okkur biluð 100kg Weider-þrekæfingastöð sem gert var við og hún sett í bílskúrinn. Eftir andlega byrjunarörðugleika fyrstu vikurnar er ég nú farinn að njóta þess að hjóla og pumpa nokkrum sinnum í viku og því stefnir allt í að innan skamms verði ég hættur að líta út eins og ég sé óléttur. Til viðbótar þessu má svo nefna að ef ástundun helst sem horfir á þessum nýju þrekvirkjum næstu mánuðina, má allt eins reikna með að brjóstum á heimilinu hafi  fækkað um tvö áður en vorar.

« Síðasta færsla | Næsta færsla »

Athugasemdir

1 identicon

Ertu s.s. að segja mér að þú sért að yfirgefa óléttuflokkinn á Hólum og aðeins ég og Jónas eftir, a.m.k. af karlþjóðinni......

Gunnar P (IP-tala skráð) 15.12.2006 kl. 08:18

2 Smámynd: Guðrún Ólafía Brynleifsdóttir

úfff ég var nú bara búin á því eftir að hafa lesið um alla þessa hreyfingu

Guðrún Ólafía Brynleifsdóttir, 15.12.2006 kl. 11:44

3 identicon

Andsk...maður verður greinilega að fara að gera eh fyrst nafn manns er dregið fram á opinberum vettvangi og það í sömu setningu og óléttuflokkur er ræddur :o(...hvað fékkstu þetta hjól

Jónas G (IP-tala skráð) 15.12.2006 kl. 19:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband