Spurningar vakna

Árni og Darling töluðu saman í síma. Einhver hefur fengið upptöku af símtalinu í hendur til að þýða það úr dýralæknaensku yfir á íslensku, og koma því svo á prent. Síðan þurfti að koma þeim pappír til fjölmiðils, nánar tiltekið Ríkisútvarpsins. Hverjir hafa af þessu hagsmuni? Íslendingar (til að sýna umheiminum fram á að Árni sagði ekkert sem gaf Bretum tilefni til að bregðast við eins og þeir gerðu)? Dýralæknirinn sjálfur (kannski betra fyrir hann að alþjóð fái þetta á prenti, í stað þess að heyra símtalið sjálft)? Ég efast um heilindi Geirs, þegar hann segist undrandi á því að þetta hafi lekið í fjölmiðla. Ég held að hann eða hans menn hafi séð til þess að þetta var gert opinbert, með þessum hætti, eins og þeir segja í stjórnmálunum.

Furðulegt að samtalið skyldi leka í fjölmiðla

Athugasemdir

[Gunnar Waage, 25.10.2008 kl. 18:25]

þetta var alveg hárrétt ákvörðun að leka símtalinu. Eina rétta í stöðunni að mínu mati. Þeir sem framkvæmdu það eiga bara þakkir skilið finnst mér.

[Jón Þór Bjarnason, 25.10.2008 kl. 21:35]

Var símtalinu lekið? Hver þýddi eða skrifaði textann sem við fengum að sjá? Af hverju er Geir undrandi? ... fylgist með næsta þætti, þegar Davíð segir: bla bla bla ;)